今日同一位朋友仔去左間意大利餐廳, 因為都係新開, 又見入面唔多人, 我地就係出面睇下睇下, 點知就有個幾靚仔嘅外國人招待我地, 就咁我地就入左去試lu。

服務員非常之好笑容, 仲好詳細介紹今日有D 咩lunch set, 我同朋友仔因為太多野都想試, 真係唔知點算, 最後決定share 我地嘅食物。

前菜我地叫左個三文魚沙律&南瓜雜菜湯,  佢仲有幾塊熱辣辣嘅麵包俾我地送湯添,

主菜我地就叫左個牛眼扒&意大利飯, 呢兩樣都係我倆至愛^^, 出乎意料個牛眼扒係超好味, 但個飯就太濕太熟了同咸左D, 不過都好架, 如果唔係我地會忍唔住食晒佢, 到時一定會肥死架la~

甜品係女仕至愛, 但估唔到我同朋友仔都一樣咁鍾意 Tiramisu, 哈哈~今次唔洗share都食得晒呀!

係咪覺得好奇怪, 點解只係得甜品相呢, 因為D 食物太靚, 環境又唔錯, 我同朋友仔都只係掛住傾計+食&食&食, 忘記左影相相添! 好彩甜品都有影到^^

餐廳資料:

Bellaria, Italian Restaurant, Shop C, G/F, 154 Jaffe Road, Wan Chai, H.K.

Tel: 2511 1212   Fax: 2511 1226

這幾天心情不是太好, 只是休息, 不想自己太累, 無意中腦海浮現了一輯Post-wedding 相, 好想同大家分享^^

黑皮膚的Ramut & 白皮膚的Manon 一定無諗過我呢個黃皮膚的 Zoe 幫佢地影呢輯Post Wedding, 其實,影相之前都好驚架, 因為我係英文有限公司麻, 但原來咁樣嘅對話方式, 佢地仲覺得有趣, 哈哈....結果, 當然好靚la~

今日有幸同我師傅Kenneth So嘅公司合作, 推出一個家庭攝影服務, 攝影C 當然會係我Zoe Wong 啦, 而場地就會係The Stage 嘅Studio, 至於後期製作方面, 當然都會係The Stage一次過搞掂啦, 有咁好嘅幕後班底, 自然作品會更有保証啦^^

有意者, 請Email 到zoewongdesign@gmail.com 索取詳情知料或致電到852 3583 5007 The Stage Ltd. 查詢。

      香港要拍攝一輯遠離人煙嘅Pre-wedding相, 真係好難揾到一個好地方, 如果真係有心去的話, 新人就要揾一個年青嘅攝影C(正是在下hohoho)、化妝C (Yumi)+自己又要唔怕辛苦, 仲要唔怕浪費時間添~ 

      Joey & Wayne 就選擇左當日拍攝只去左兩個景點, 一個就係---將軍澳古堡, 我記得司機哥哥放低我地之後, 我地仲要步行15-20分鐘上山, 拍攝時, 仲發生左一個小插曲, 就係男&女主角分別同我講唔記得帶Bow Tie & 高踭鞋, 結果係點我唔講la, 你地自己估下la, 影完古堡; 我地就去左另一個行餐死嘅景點---東霸, 雖然行餐死但d 相出黎嘅效果又真係幾Good^^  , hohohoho又係度自己讚自己添    

其實, 我真係好鍾意婚紗攝影, 唔知點解幾攰都好, 有得影相我就會精神晒~

仲記得拍攝呢輯婚紗相嘅前一日, 我仲要影Big Day, 晚上還因為太攰而失眠, 我估前前後後只係瞓左1小時, 返到公司仲俾人話我, 嘩! 你對黑眼圈好黑呀......wu....wooooooo, 我知忠言係會逆耳係架喇, 聽完之後真係有D灰, 但當我同男主角Billy 傾行程安排時, 我就變晒另一個人, 咩攰都唔記得晒lu, 好多謝Billy 同Josephine, 帶我去咁多我從未去過嘅地方, 真係好鍾意、好鍾意、好鍾意呀!!!!!!!

今次影呢輯相有好多第一次, 第一次去到一個好似仙景的地方、第一次見到一位好勤力嘅郵差叔叔、第一次可以同跑車影pre-wedding、第一次去到間Starbucks係冇咩人, 真係好開心呀!!!!

不過.....係影呢一輯相0果時, 有一個小搜曲, 就係Sze & Wai 遲到呀,  因為我好驚D新人, 唔尊重我的拍攝而大遲到, 所以, 未返公C 之前, 我都有D唔開心架 , 好彩兩位都唔係遲好多, 算你地la  

Helena 係一位好温柔嘅女仔, 同佢傾計果時, 我都不自覺地温柔起上黎, 唔知係咪咁嘅原因Emmanuel Bourmault 就決定娶Helena 呢?

我記得拍攝當日, 因為Emmanuel Bourmault 係0黎自法國, 而佢個名當然好難讀la, 我仲記得我問左佢好耐, 結果都係讀錯.....hahaha 好彩Helena 幫我解圍, 我地就叫左Emmanuel Bourmault 做"manu" 希望佢好會介意la^^

 我細細個因為唔識打扮, 又生得唔靚, 一直都對自己好冇自信, 但後來人大個左, 見識多左, 明白到咩叫隱惡揚善, 而家嘅我hohohoho當然好好多la, 所以係我心目中, 每個女仔都會有自己最靚的一面, 而我深信我有咁嘅能力去張呢一面發掘出0黎, 呢個都係點解我咁鍾意影相嘅原因^^

 當然Kimby 咁靚女, 梗係冇難道la~

前陣子跟一間公司合作拍攝左一輯陽光檸檬荼廣告, 其中廣告入面的照片都係我影架, 今日廣告出左街la, 想睇的話, 請到http://www.yeung-gwong.com.hk , 記得投選自己鍾意的結局呀!!!!!!

Joey 係一位好可愛嘅女孩子, 由我識佢到而家都有好幾年喇!!

 今次幫佢影呢攝畢業相佢就帶多左個朋友仔俾我認識, 唔知下次會幫佢地影D 咩相呢??? heehee.....

結婚對每一對新人嚟講都會係好緊張, Adele & Gary 都唔會例外。

o係新人嘅立場, 可能會有好多野擔心, 驚自己到時靚唔靚la, 會唔會帶漏野la, 又驚遲到註唔冊, 等等....... 數之不盡。

 所以, 係見面0果時, 我都會同新人傾多細節位, 因為我知道大婚當日一定會分身不下, 滿腦子都係野, 好難會做得完美。 但其實咩都唔重要, 因為好多野當日都定左, 最重要係你地好好咁享受當天, 咁先唔會浪費自己一番心機ma~~ 

每一次構思拍攝Pre-wedding 取景地方可能都會幾頭痛, 因為香港有d 咩靚嘅地方係冇人影過婚紗相呢?  其實, 我覺得影Pre-wedding 地方靚唔靚唔緊要, 最緊要係客人係呢個地方會唔會有d 事情發生過。 當重返故地時, 同一個地方, 同一個人, 但彼此身分已經唔到左, 我相信將來睇返d 相, 都會分外有意義,  因為每個人的歷史都會係獨特架嘛!!

今次Chianti & Ted 就帶左我去佢地工作時相識的地方, 可能呢d就叫做緣份la, Ted又點會放過Chianti 呢位靚女呢!! 結果, 咪請左我law~~

好多人成日同我講, 嘩做影相好辛苦架喎, D機又重, 又日曬雨淋, 點解會做呢行架?

 其實, 唔單只日曬雨淋呀, 有時為左得到靚嘅Shot , 幾乎連命仔都要攞出黎架!!

 就好似呢一日咁......諗返起都驚, 不過, 當你見到d 靚相之後, 幾辛苦都值得架 !

 恭喜晒"Luke & 凌太", 不過我都係鍾意叫你"靚太"多D.....hahaha

Sally & Terry 嘅愛情結晶Ryan BB出世喇! 

原本想快d 同佢影相, 但我近來工作真係好忙呀, Ryan BB 前排又有d 熱氣, 面仔生左好多粒粒呀, 所以一拖再拖, 直到拍攝當日都兩個月人仔la, 而且Ryan BB 都好大食, 所以見佢都好大隻哦

我地屋企多咗個新成員la, 因為我姐姐唔係香港住, 今次係好難得返黎香港探我地架, 我當然唔會放過呢次咁重要機會影我地嘅全家"福" la^^

今次嘅攝影C...................當然係我Zoe 喇, 但原來自拍全家幅係好難架, >>走黎>>走去<<先影得幾張咋!! 雖然自拍難, 但點都唔夠一家齊齊整整咁困難, 因為原定拍攝當日, 我姐夫因身體不適, 要迫住要改期, 我地都算係多人的家庭, 又要就放啱放工時間, 又要就啱放假日子,  呢樣先最難呀, 好彩最終都順利完成!

銅鑼灣遊艇會係一個我以前成日去嘅地方, 多到我都唔記得去過幾多次lu, 因為我舊公司地址係附近, 好多時都會帶D 新人嚟海邊影相。由岸邊望出去, 遊艇嘅白色, 配合海水嘅藍色, 已經好吸引, 今次仲可以俾我入去拍攝婚禮, 真係好期待, 原來入面仲...........靚呀>呀>呀>呀>呀!!!!!!

Rony & Jack  放心la, 你地會有好多靚相呢!!

Hau Hau 係一個好詩文嘅女仔, 而Sam Sam 就係一個比較靜可以講話有d 怕羞嘅男仔, 唔知係咪呢個原因呢? 接新娘當日雖然無遊戲環節, 好似比其他人簡單一點, 但正因為咁樣安排, 就反而多左時間同親友傾談, 輕輕鬆鬆感覺非常温馨~~ 

明白客人所需, 係我地攝影C 嘅服務之一, 所以每一次作品出黎嘅效果可能唔算最完美, 但只要使到客人投入的話, 每一次都會係美好回憶 ~~  

Fanny 同Roy 結左婚都幾年喇, 因為當時只係好簡單咁進行註冊, 相片也沒有影過, 直到過左幾年, 佢地諗過唔會補擺喜酒後, 就決定揾我影一輯婚紗相。 

Fanny本身係澳門人, 而佢地的第一次見面就係0係澳門, 所以對佢地黎講澳門係一個好重要嘅地方, 故今次安排係澳門拍攝。

有咗 BB 唔知係咪會咩都擔心d架呢?

記得Sally 起初約我影呢輯大肚相時, 佢又驚太早影個肚唔夠大, 太遲影可能會太肥, 腳腫影得唔靚, 又因近日天氣不穩, 我地的約會一改再改。

終於到咗拍攝當天, 天氣也是不太好呀! 原本, 計劃咗落沙灘外影, 都要決定放棄, 因為安全至上嘛! 

Sally 唔好擔心la, 其實, 無藍天白雲, 無外景拍攝, 我的作品都係一樣咁吸引架, 因為有你呢個靚媽咪嘛 ~ 

前陣子幫手一個ARC義工團體設計咗一件 POLO TEE, 係7月4日就係呢件POLO TEE第一次投入工作啦, 好彩我都抽到一些時間去支持一下佢....